- 778 -

1453. Okt. 2. Breslau.

Petrus von gotis gnaden bischoff zu Breslaw.

Vnsere fruntschafft vnd allis gut. Erbaren, weisen, besundere gutte gonner. Vns hat vorbrocht der wirdige vnd uchtbare her Franciscus Woytsdorff scolasticus vnd thumherre vnser kirchen zu Breslaw vnd lieber in gote bruder vnd geclagit, wie ir em ettliche czinse von eltlichem euch wolzudangke gelegenem gelde pflichtig, nach jerlicher geburlichkeit nichten geben nach beczalin wullit, dorumbe her euch mit geistlichen gerichten anefangen vnd vornemen willens was, das wir denne vmbe zunderlichir gonst ken euch tragende vff diszmol vndirnomen habin, alse lange bisz wir euch vor dorumbe embieten vnd vormaneten, begeren wir, ir wullit deme gemellten hern Francisco seyne czinse al ane keginrede vnd vffczug zudangke auszrichten vnd beczalin, vff das her euch mit geistlichen rechten nicht bedorffe behafften, grossem vnwillen, muhe, czerunge zuuormeiden, wenne her sich nach ken euch yn kegginwortigkeit hern Mathissen Grotczenschreibern gelimpflichen irboten hat, doran thuet ir vns ouch wolgefallen, ken euch czuuorgleichen. Gegeben zu Breslaw am dinstage vor Hedwigis anno etc. LIII.

Rückaufschrift: Den erbarn, weisen burgermeister vnd ratmann zu Legenicz, vnsern besundern guten gunnern.

Orig. Kgl. Bibl. z. Berl. Ms. Boruss. f. 568. No. 73.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866